化妝貼士

-一齊做個獨一無二嘅新娘

我相信結婚的朋友都知道
今年係結婚嘅好年喎!! 如果你準備喺今年結婚嘅話,都應該忙緊籌備婚禮嘅事,我估準新娘們最煩嘅喺莫過於結婚當日嘅化妝髮型造型同埋打扮喇。結婚咁大件事喎,梗係要靚爆全場啦。諗緊不如整個日本娃娃look,但自己都唔似公仔又點扮丫..嚇親親朋親戚喎,又或者黎個台灣可愛教主丫,扮可愛?我都唔係行呢個路線嘅...仲未諗到啱自己嘅新娘造型? 不如聽下我嘅意見啦。
其實每個人除左有自己嘅獨特性格外,仲存在一份嘅屬於自己的氣質,跟本唔需要跟住人地嘅相去抄,只需要通過新娘造型設計能將你自己獨特嘅氣質進行提升,顯現於人嘅面前,已經可以成為一個獨一無二嘅靚靚新娘。以下在結婚日子嘅准新娘需要瞭解的一D過程,看看是否能夠幫助到你。
自然肌膚﹕
大部份女仔都鍾意揀一些比自己皮膚再白點嘅粉底,因為佢地覺得「一白遮三醜」喎,以為噉就叫靚,其實,最自然嘅先叫做靚。選擇粉底只要跟番自己頸部肌膚嘅顏色,噉睇上去就唔會咁容易出現兩節色啦,又唔會俾人感覺好濃妝,如果白點嘅粉底又怎稱上自然呢? 所以選取粉底必須要與頸部肌膚一致,先至可以造出自然美的准新娘。
眉毛 ﹕
用一隻同頭髮顏色差唔多嘅,或者選擇比頭髮色彩潛一些的眉粉,畫眉時,記得要畫出深淺漸變的效果,噉就會令眉毛睇上似係真嘅一樣同埋有亮嘅效果,另外,可以將眉頭輕微畫低些少,令成個新娘樣變得略型格同埋時D,啱曬鍾意行型格路線D嘅新娘啦。
眼妝﹕
(1) 畫上一條眼線,眼線尾部份要比眼頭粗小小,同埋要拉長些,令眼尾視覺上提升,眼神會變得更具有吸引力。
(2) 眼影方面揀左隻墨綠色做主色,可能大家會覺得新娘嘅日妝通常都係用鮮明粉色系例,點解會用墨綠呢?
因為今次為大家示範嘅model並唔係屬可愛類型,亦唔係成熟嗰款,而墨綠色帶一點cool嘅感覺,可提升她的嘅型格,好適合佢,我地將眼影掃喺眼尾近睫毛位,範圍太約佔眼瞼三份二,顏色唔可以過份深色,太深就會過份cool ;眼頭就用珍珠白,第一可令雙眼更立體,第二可以中和墨綠色帶出暗淡嘅感覺。
睫毛液 ﹕用加長及濃密嘅黑色眼睫毛液重覆塗幾次,型造一對迷人電眼。
胭脂﹕唔好用太紅嘅胭脂,因為主要重點已喺眼妝部份,所以用左粉紅色胭脂喺臉頰位置輕輕打圈,睇上去自然紅潤就可以,唔使太著色。
唇膏﹕用蝦肉色帶紅色嘅唇膏均勻塗喺嘴唇,再用顏色接近嘅唇彩喺嘴唇中間位塗些少,令嘴唇視覺上變得豐滿。
輪廓修飾﹕由眉頭與眼頭位置至鼻翼打陰影,再喺T字位、眼角下方、人中位及下巴位置掃上光影,令面部輪廓立體分明。最後就係用暗影修飾顎骨位置輪廓。

© 2009-2012 Wedding House(美緣新娘化妝 / 攝影 / 禮服) Company, Inc. All rights reserved.
我要啦免费统计
友情連結:化妝師,新娘化妝,宴會化妝,婚禮化妝師,攝影師,婚禮攝影師,婚宴攝影,婚紗攝影,宴會攝影,影樓攝影師,星級攝影師受歡迎攝影,家庭攝影,家庭攝影師,兒童攝影,兒童攝影師,商業攝影,商業攝影師,個人寫真攝影師,時裝攝影,產品攝影,珠寶攝影,團體攝影,化妝課程